Íbúar flýja eldgos á Hawaii

Yfirvöld á Hawaii hafa lýst yfir neyðarástandi eftir að gos hófst í eldfjallinu Kilauea.  Fjallið er á stærstu eyju eyjaklasans og mikil íbúðabyggð er í nágrenninu. Að minnsta kosti sautjánhundruð manns hafa þurft að yfirgefa heimili sín.

Fólk á svæðinu segir mikla brennisteinslykt auk þess sem kjarreldar hafa kviknað þar sem glóandi hraunmolarnir sem fjallið þeytir upp í loft falla til jarðar.

Rauði krossinn hefur opnað fjöldahjálparmiðstöð á svæðin en gosið kemur í kjölfar mikillar skjálftahrinu síðustu daga. Stærsti skjálftinn var um 5,0 að stærð. Búist er við að mun fleiri þurfi að yfirgefa heimili sín og hefur þjóðvarðliðið á Hawaii verið virkjað.

I am in contact with @MayorHarryKim and Hawai'i County, and the state is actively supporting the county's emergency response efforts. I have also activated the Hawai'i National Guard to support county emergency response teams with evacuations and security. #Kilauea #Volcano

— Governor David Ige (@GovHawaii) May 4, 2018