Nú þarf Klopp að treysta á Dejan Lovren út tímabilið

Kamerúnmaðurinn Joel Matip þarf að fara í aðgerð og hefur því væntanlega leikið sinn síðasta leik með Liverpool liðinu á þessu tímabili.

Joel Matip meiddist í sigri Liverpool á Crystal Palace í ensku úrvalsdeildinni um helgina. Matip kláraði reyndar leikinn en þessi meiðsli í læri kalla á skurðaðgerð.

Liverpool centre-back Joel Matip is set to miss the rest of the season.

The club confirmed he is "likely to require an operation on a thigh injury".

https://t.co/hyF9aMTm4O#LFCpic.twitter.com/IFlzeXo33K

— BBC Sport (@BBCSport) April 3, 2018

Matip missir því að komandi leikjum við Manchester City í átta liða úrslitum Meistaradeildarinnar. Fyrri leikurinn er á Anfield á morgun en sá seinni fer fram strax í næstu viku. Á milli leikjanna er síðan nágrannaslagur á móti Everton.

Jürgen Klopp, knattspyrnustjóri Liverpool, þarf því að treysta á Króatann Dejan Lovren við hlið Virgil van Dijk í miðri Liverpool vörninni út þetta tímabil.

Klopp gæti líka notað Ragnar Klavan og þá helst í leiknum á móti Everton um komandi helgi.

Dejan Lovren spilaði á móti Manchester City fyrr á tímabilinu þegar Liverpool vann 4-3 sigur í ensku úrvalsdeildinni.