Manchester City og Tinder í samstarf

Kannski ekki besti dagurinn til að tilkynna samstarf við Manchester City en forráðamenn Tinder létu samt vaða í morgun.

Manchester City og Tinder tilkynntu í dag um samstarf þeirra á milli en City-liðið mun auglýsa stefnumótavefinn Tinder á næsta tímabili.

Tinder fagnaði þessu nýja samstarfi með því að láta vel merktan og risastóran loftbelg svífa yfir Manchester borg. Loftbelgurinn var ljósblár eins og búning City og vel merktur Tinder eins og sjá má hér fyrir neðan.

Calling all football fans Get ready for the #perfectmatch! Tinder has taken to the skies to say we swipe right on Manchester City FC. Join us as we kick off an exciting new partnership with @ManCity and Cityzens all over the world. It’s going to be a game changer pic.twitter.com/ds9RNZkK3y

— Tinder (@Tinder) April 5, 2018

Manchester City fær milljónir punda frá Tinder fyrir þennan samning en nýja slagorðið er „perfectmatch“ eða fullkomið samband.

Tinder notaði líka tækifærið til að hvetja stuðningsmenn sína til að fletta til hægri á Manchester City.

Manchester City tapaði 3-0 á móti Liverpool í fyrri leik liðanna í átta liða úrslitum Meistaradeildarinnar en getur tryggt sér enska meistaratitilinn á mettíma með því að vinna nágranna sína í Manchester United um næstu helgi.