Byrjunarlið Sunderland átti fleiri leiki fyrir Everton en byrjunarlið Everton

Stuðningsmenn Everton könnuðust við nokkur andlit í liði Sunderland sem mætti á Goodison Park í 3. umferð enska deildabikarsins í gær.

Byrjunarlið Sunderland í gær átti nefnilega fleiri leiki að baki fyrir Everton heldur en byrjunarlið Everton.

Í byrjunarliði Sunderland voru þrír fyrrverandi leikmenn Everton sem spiluðu samtals 238 leiki fyrir Bítlaborgarfélagið á sínum tíma. Á meðan höfðu þeir 11 sem byrjuðu hjá Everton aðeins leikið samtals 230 leiki fyrir félagið.

Jack Rodwell er uppalinn hjá Everton og lék á sínum tíma 109 leiki fyrir félagið. Darron Gibson lék 69 leiki fyrir Everton og James Vaughn 60.

David Moyes, sem stýrði Sunderland á síðasta tímabili, fékk nokkra fyrrverandi leikmenn Everton til félagsins í fyrra. Það dugði þó skammt því Sunderland féll úr ensku úrvalsdeildinni.

Everton vann leikinn í gær með þremur mörkum gegn engu og mætir Chelsea í 5. umferðinni.