Lögregluyfirvöld í London hafa gefið út nöfn tveggja af þremur árásarmönnum, sem skotnir voru til bana í kjölfar hryðjuverkaárásarinnar á London Bridge á laugardagskvöld. BBC greinir frá.
Khuram Butt var einn árásarmannanna. Hann var 27 ára, átti konu og börn og bjó í Barking í austurhluta London. Hann var af pakistönskum ættum en lögregluyfirvöld höfðu haft eftirlit með honum.
Annar árásarmannanna hét Rachid Redouane, 30 ára, og bjó einnig í Barking. Hann var af marokkóskum og libískum uppruna.
Þriðji árásarmaðurinn hefur ekki enn verið nafngreindur. Árásarmennirnir voru allir skotnir til bana af lögreglu á laugardagskvöld eftir að þeir keyrðu sendibíl á hóp fólks á brúnni og stungu að því búnu vegfarendur við Borough-markaðinn. 7 létust og 48 særðust í árásinni.
Breiðablik
FHL
