Wenger: Lacazette ekki tilbúinn í 90 mínútur

Knattspyrnustjóri Arsenal, Arsene Wenger, segir framherjann Alexandre Lacazette ekki tilbúinn til þess að spila 90 mínútur í ensku úrvalsdeildinni.

Lacazette kom til Arsenal frá Lyon í sumar fyrir metfé og hefur komið við sögu í öllum fimm deildarleikjum félagsins og skorað í þeim tvö mörk.

Hann var tekinn út af á 65. mínútu í jafntefli Arsenal við Chelsea í gær, og virtist allt annað en sáttur með þá ákvörðun Wenger.

„Mér fannst Lacazette eiga góðan fyrri hálfeik. Hann vann vel fyrir liðið og var mjög agaður,“ sagði Wenger eftir leikinn.

„Það tekur smá tíma að ná að viðhalda sömu ákefðinni í 90. mínútur. Við erum með Walcott, Giroud og Sanchez á bekknum. Eftir 65. mínútur í jafn krefjandi leik er eðlilegt að setja ferskar fætur inn.“