Erlent

Lögreglan í Mexíkó skaut nítján úr eiturlyfjagengi El Chapo

Ingvar Þór Björnsson skrifar
Joaquín El Chapo Guzmán
Joaquín El Chapo Guzmán EPA

Lögreglan í Mexíkó skaut nítján vopnaða menn úr einu stærsta eiturlyfjagengi landsins í skotbardaga í Sinaloa fyrr í dag. Fimm lögreglumenn meiddust í átökunum.

Þessi aðgerð var ein sú umfangsmesta sem lögreglan hefur tekið þátt í síðustu mánuði. Hófust átökin aðfaranótt miðvikudags en þá hafði brotist út skotbardagi milli tveggja fíkniefnagenga. Tveir höfðu látist þegar lögreglan greip inn í leikinn.

Lagt var hald á um tuttugu vopn og þrjá pallbíla frá genginu. 

Mikið hefur verið um átök í Sinaloa eftir að eiturlyfjabarónninn Joaquín „El ChapoGuzmán var handtekinn á síðasta ári. Guzmán var handtekinn í janúar 2016, sex mánuðum eftir að hafa flúið Altiplano fangelsið. Fangelsið er staðsett nálægt Mexíkóborg og er öryggisgæsla þar meiri en gengur og gerist. Guzman stofnaði Sinaloa eiturlyfjagengið á níunda áratug síðustu aldar og varð fljótt milljarðamæringur á eiturlyfjaviðskiptum.

Ofbeldi hefur stóraukist á svæðinu á fyrstu fimm mánuðum ársins, eða um 76% ef borið er saman við sama tímabil í fyrra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.