Fótbolti

Rooney mættur í læknisskoðun

Ástrós Ýr Eggertsdóttir skrifar
Rooney í búningi Everton í góðgerðaleik Duncans Ferguson.
Rooney í búningi Everton í góðgerðaleik Duncans Ferguson. vísir/getty
Breska fréttastofan Sky Sports greinir frá því að Wayne Rooney sé mættur á æfingasvæði Everton til að gangast undir læknisskoðun.

Rooney er uppalinn hjá Everton en hefur verið undanfarin 13 ár í herbúðum Manchester United og er markahæsti leikmaður í sögu félagsins.

Framherjinn fékk ekki mikið að spila með United á síðasta tímabili og vill leita á önnur mið til þess að fá meiri spilamennsku.

Hann hefur áður gefið út að eina liðið í ensku úrvalsdeildinni sem hann gæti hugsað sér að fara til, sé Everton. 

Heimilidir Sky Sports segja að Rooney sé tilbúinn að taka á sig þó nokkra launalækkun til að láta félagaskiptin ganga í gegn. 

Rooney á að fylla í skarð hins belgíska Romelu Lukaku sem virðist vera á leið til United.







Það gæti farið svo að Rooney verði samherji íslenska landsliðsmannsins Gylfa Þórs Sigurðssonar á næstu leiktíð, en knattspyrnustjóri Everton, Ronald Koeman, er sagður vilja fá miðjumannin knáa til Bítlaborgarinnar.

Enski boltinn

Tengdar fréttir

Manchester United staðfestir komu Lukaku

Enska úrvalsdeildarliðið Manchester United gaf frá sér yfirlýsingu í morgun um að belgíski framherjinn Romelu Lukaku væri á leið til félagsins.

Mest lesið


Fleiri fréttir

Sjá meira


×

Mest lesið