Chelsea seldi fleiri treyjur en Manchester United

Chelsea seldi flestar treyjur allra félaganna í ensku úrvalsdeildinni þessa leiktíðina, fleiri en Manchester United sem er ríkasta félag Englands.

Þetta kemur fram í úttekt markaðsfyrirtækisins Euroamericas en Sky Sports greinir frá.

Chelsea er í þriðja sæti á listanum í Evrópu á eftir risunum Barcelona og Bayern München. Manchester United er í fjórða sæti á undan Real Madrid, PSG og Arsenal.

Atlético Madrid kemst inn á topp tíu í fyrsta sinn og seldi fleiri treyjur en Ítalíumeistarar Juventus og AC Milan.

Chelsea seldi 39 prósent fleiri treyjur á þessari leiktíð heldur en síðustu. Bayern bætti sig mest og seldi 40 prósent fleiri treyjur.

Þrátt fyrir að vera á eftir Chelsea getur United bætt treyjusölu sína um 34 prósent á leiktíðinni.