Enn eitt stórtapið hjá Jóhanni Berg og félögum

Jóhann Berg Guðmundsson og félagar í Charlton töpuðu enn einum leiknum í ensku Championship-deildinni í dag og það mjög illa. Liðið steinlág fyrir Hull á útivelli, 6-0.

Jóhann lék allan leikinn fyrir Charlton en þeir töpuðu einnig mjög illa fyrir Huddersfield, 5-0 fyrr í vikunni. Eftir þann leik var þjálfarinn Karel Fraeye látinn taka poka sinn og inn kom José Riga.

Aron Einar Gunnarsson var ekki í leikmannahópi Cardiff sem vann Wolves, 3-1, en Björn Bergmann Sigurðarson var ekki í hópnum hjá Wolves vegna meiðsla.