Sjáðu öll mörkin hjá Vardy á tímabilinu

Jamie Vardy, framherji Leicester, er markahæsti leikmaður ensku úrvalsdeildarinnar, en hann er búinn að skora tíu mörk í tíu leikjum það sem af er tímabili.

Þessi eldfljóti framherji spilaði með Fleetwood Town í utandeildinni fyrir þremur árum en er nú búinn að skora meira en leikmenn á borð við Sergio Agüero, Diego Costa og Alexis Sánchez.

Vardy er búinn að skora í sjö leikjum í röð fyrir Leicester og í heildina er hann búinn að skora í átta leikjum af tíu. Í leikjunum tveimur sem hann skoraði ekki lagði hann upp mörk þannig Vardy hefur skorað eða komið að marki í öllum tíu leikjum tímabilsins.

Messumenn fóru aðeins yfir byrjunina hjá Vardy á þessu tímabili og sýndu öll mörkin hans, en innslagið má sjá hér að ofan.