Gerrard: Liverpool er í góðum höndum hjá Rodgers

Steven Gerrard, fyrirliði Liverpool, segir að stuðningsmenn Liverpool séu þeir langbestu stuðningsmenn í heiminum. Hann segir félagið vera í góðum höndum með góðan framkvæmdarstjóra og góðar eigendur.

„Ég vil þakka öllum hjá klúbbnum sem hafa hjálpað mér síðustu sautján árin. Það er of mikið af fólki til að nefna. Mig langar að þakka öllum leikmönnunum í liðinu í dag, líka þeim sem komu ekki inná,” sagði Gerrard í samtali við Sky Sports í leikslok.

„Einnig öllum leikmönnunum sem ég hef spilað með í gegnum tíðina. Þeir hafa gert mig að þeim leikmanni sem ég er í dag, en síðast en ekki síst vil ég þakka mikilvægasta fólkinu hjá öllum knattspyrnufélögum.”

Sjáðu Gerrard leiða Liverpool út á Anfield í síðasta sinn

„Áður en ég fer, áður en tárin koma, vil ég segja að ég hef spilað fyrir framan bestu stuðningsmenn í heiminum, en látið mig segja ykkur það: Þið eruð best,” sagði Gerrard, en hann hélt aftur að sér tárunum.

„Félagið er í góðum höndum. Við erum með tvo frábæra eigendur. VIð erum einnig með Ian Ayre og við erum með frábæran framkvæmdarstjóra í Brendan. Það eru mikil gæði í hópnum.”

Gerrard þjónaði Liverpool rosalega vel. Hann spilaði yfir 500 leiki fyrir félagið og yfir 100 mörk. Hann var meðal annars fyrirliði Liverpool þegar liðið vann Meistaradeild Evrópu 2005 eftir magnaðan úrslitaleik við AC Milan.

„Ég er viss um að hópurinn verður styrktur með einhverjum leikmönnum á komandi vikum, en sjáiði þessa leikmenn sem standa hér fyrir framan mig, mennirnir sem ég hef deilt búningsherbergi með í mörg ár. Ég elska þá og ég óska þeim góðs gengis í framtíðinni,” og aðspurður hversu erfitt væri að spila síðasta deildarleikinn á Anfield svaraði Gerrard:

Lestu um hvað menn höfðu að segja á Twitter

„Þetta er mjög erfitt. Ég er búinn að kvíða fyrir þessari stund því ég á eftir að sakna þess að spila hérna. Ég hef elskað hverja einustu mínútu og ég er í afalli að spila ekki fyrir framan þessa stuðningsmenn á ný.”

„Fyrsta skiptið sem þú spilar með knattspyrnuliði Liverpool verður draumur að veruleika. Allt eftir það var bónus fyrir mig svo draumurinn var fyrsti leikurinn með Liverpool,” sagði Liverpool-goðsögnin að lokum.