Vardy getur ekki hætt að skora | Öll úrslit dagsins

Jamie Vardy heldur áfram að fara á kostum en þessi öflugi framherji skoraði þriðja mark Leicester City í 2-3 sigri á West Brom á útivelli í ensku úrvalsdeildinni í dag.

Vardy hefur nú skorað í átta leikjum í röð í úrvalsdeildinni en aðeins Ruud van Nistelrooy og Daniel Sturridge hafa afrekað það.

West Brom komst yfir með marki Solomon Rondon eftir hálftíma leik en Riyiad Mahrez kom Refunum yfir með tveimur mörkum um miðvik seinni hálfleiks. Vardy jók svo muninn í 1-3 áður en Rickie Lambert minnkaði muninn úr vítaspyrnu sex mínútum fyrir leikslok.

Með sigrinum komst Leicester upp í 3. sæti deildarinnar en liðið er aðeins búið að tapa einum leik af ellefu.

Nýliðar Watford halda áfram að koma á óvart en þeir unnu góðan 2-0 sigur á West Ham á heimavelli. Odian Ighalo skoraði bæði mörkin en hann er kominn með sjö mörk í deildinni.

Watford er í fínum málum í 9. sæti deildarinnar en West Brom er tveimur sætum neðar.

Þá gerðu Newcastle United og Stoke City markalaust jafntefli á St. James' Park.

Úrslit dagsins:



Chelsea 1-3 Liverpool

1-0 Ramires (4.), 1-1 Philippe Coutinho (45.), 1-2 Coutinho (74.), 1-3 Christian Benteke (83.).

Swansea 0-3 Arsenal

0-1 Oliver Giroud (49.), 0-2 Laurent Koscielny (68.), 0-3 Joel Campbell (73.).

Crystal Palace 0-0 Man Utd



Man City 2-1 Norwich

1-0 Nicolas Otamendi (67.), 1-1 Cameron Jerome (83.), 2-1 Yaya Toure, víti (89.).

Rautt spjald: Russell Martin (88.).

West Brom 2-3 Leicester

1-0 Salomon Rondon (30.), 1-1 Riyiad Mahrez (57.), 1-2 Mahrez (64.), 1-3 Jamie Vardy (77.), 2-3 Rickie Lambert, víti (84.).

Watford 2-0 West Ham

1-0 Odian Ighalo (39.), 2-0 Ighalo (48.).

Rautt spjald: James Collins (84.).

Newcastle 0-0 Stoke