Krul færði United sigurinn á silfurfati | Sjáðu markið

Ashley Young skoraði sigurmark Manchester United gegn Newcastle þegar mínúta var eftir af venjulegum leiktíma í ensku úrvalsdeildinni í kvöld.

United var miklu meira með boltann í leiknum en leikmenn Newcastle börðust af miklum krafti og Tim Krul átti lengst af góðan leik í markinu.

Hollendingurinn varði virkilega vel í þrígang í seinni hálfleiknum, frá Maraoune Fellaini, Ashley Young og Wayne Rooney.

Newcastle-menn áttu einnig sínar sóknir og um miðjan seinni hálfleik komst Papiss Cissé einn inn fyrir vörn United en slakt skot hans fór framhjá.

Á 89. mínútu skoraði Young eina mark leiksins eftir skelfileg mistök hjá Krul. Þetta var fyrsta deildarmark Young í vetur.

Papiss Cissé virtist hrækja á Jonny Evans í fyrri hálfleik: Ashley Young skorar sigurmarkið: