Chelsea aftur á sigurbraut | Sjáið mörkin

Chelsea lagði Newcastle 2-0 í 21. umferð ensku úrvalsdeildarinnar í fótbolta í dag. Staðan í hálfleik var 1-0.

Oscar átti stórleik fyrir Chelsea í dag en hann skoraði fyrsta markið tveimur mínútum fyrir hálfleik eftir sendingu frá Branislav Ivanovic en leikmenn Newcastle sváfu á verðinum þegar Chelsea tók horn fljótt.

Diego Costa gerði út um leikinn eftir sendingu frá Oscar á 59. mínútu en Chelsea hefði hæglega getað unnið stærri sigur, slíkir voru yfirburðir liðsins.

Chelsea er á toppi deildarinnar með 49 stig í 21 leik, tveimur stigum á undan Manchester City.

Oscar brýtur ísinn: Costa skorar: