Dýrlingarnir frá Van Dijk frá Celtic

Southampton er búið að kaupa hollenska varnarmanninn Virgil van Dijk af Skotlandsmeisturum Celtic, en Van Dijk skrifaði undir fimm ára samning við Dýrlingana. Þetta kemur fram á heimasíðu liðsins.

Van Dijk hefur verið eftirsóttur af liðum úr ensku úrvalsdeildinni í rúmt ár, en hann kom til Celtic frá Groningen í Hollandi árið 2013.

Sjá einnig:Í beinni: Lokadagur félagaskipta á Englandi | Glugginn lokar kl. 17.00

Celtic vildi halda Hollendingnum hjá félaginu út tímabilið, en eftir að Kári Árnason og félagar í Malmö skelltu Skotlandsmeisturunum í Meistaradeildinni var orðið nokkuð ljóst að Van Dijk myndi yfirgefa Celtic.

Van Dijk er stór og sterkur miðvörður sem Íslendingar kannast ágætlega við, en hann kom til Íslands í fyrra og spilaði við KR og svo aftur í ár þegar Stjarnan mætti Celtic í meistaradeildinni.

Þessi 24 ára gamli leikmaður á enga landsleiki fyrir A-landslið Hollands.

CONFIRMED: #SaintsFC completes the #deadlineday signing of @VirgilvDijk from @celticfc on a five-year contract. https://t.co/2Oj5TEzyin

— Southampton FC (@SouthamptonFC) September 1, 2015