Ætlar í mál við flóttamanninn sem hún sparkaði í

Ungverski tökumaðurinn, Petra Laszlo, sem náðist á mynd er hún brá fæti fyrir og sparkaði í flóttamann ætlar í mál við Facebook og flóttamanninn.

Hún segist ætla að lögsækja samfélagsmiðilinn fyrir að hafa neitað að fjarlægja ærumeiðandi og ógnandi hópa á síðunni, á sama tíma og hann hafi eytt út hópum henni til stuðnings. Þá segist hún ætla að stefna flóttamanninum, Osama Abdul Moshen, fyrir að hafa breytt vitnisburði sínum.

„Upphaflega kenndi hann lögreglunni um [...] Eiginmaður minn vill sanna sakleysi mitt. Þetta er spurning um minn heiður,“ sagði hún í samtali við rússneska blaðið Izvestia.

#Hungary: Video shows a reporter tripping a refugee with a child in his arms during police chase. via @shul_evolution pic.twitter.com/5fhNB8kKZd

— ѕyndιcalιѕт (@syndicalisms) September 8, 2015

Laszlo var að taka myndir í flóttamannabúðum í Roszke, skammt frá landamærum Serbíu þegar hún brá fæti fyrir flóttamann með barn í fanginu. Það náðist á myndband og síðar sást hún sparka í aðra flóttamenn. Atvikið vakti hörð viðbrögð víða og var hún í kjölfarið rekin, en hún starfaði fyrir sjónvarpsstöðina N1TV.  Hún baðst í kjölfarið afsökunar og sagðist ekki trúa að hún hafi gert það sem hún gerði.

#Hungary: Another video from same reporter kicking and tripping refugee children near Serbian border. #Roeszke https://t.co/7Q8SaDtSvd

— ѕyndιcalιѕт (@syndicalisms) September 8, 2015

Allt er þó gott sem endar vel því Moshen var í kjölfarið boðið starf og íbúð hjá fótboltaskólanum Cenafe í úthverfi Madrídar á Spáni, en Moshen starfaði áður sem knattspyrnuþjálfari í heimalandi sínu, Sýrlandi.

Þá leiddi portúgalski fótboltamaðurinn Cristiano Ronaldo son Moshen, Zied, inn á leikvöll Real Madrid, Santiago Bernabeau, í síðasta mánuði. Drengurinn var í skýjunum, eins og sjá má á myndbandinu hér fyrir neðan.

No te pierdas las imágenes de Zied saltando al terreno de juego con Cristiano Ronaldo! ⚽Don't miss this video of Zied's special day, when he walked out with Cristiano Ronaldo! ⚽#HalaMadrid

Posted by Real Madrid C.F. on 20. september 2015