Jóhann Berg sá eini í sigurliði

Aron Einar Gunnarsson var í byrjunarliði Cardiff sem gerði markalaust jafntefli við Millwall á heimavelli í ensku B-deildinni í knattspyrnu í dag.

Akureyringurinn spilaði allan leikinn fyrir Cardiff, en þeir eru í þrettánda sæti deildarinnar. Millwall er í bullandi veseni. Þeir eru í 22. sæti deildarinnar.

Jóhann Berg Guðmundsson kom inná í hálfleik í 2-1 sigri Charlton á Leeds United í sömu deild. Steve Morrison kom Leeds yfir og þannig stóðu leikar.

Anthony Watt og Yoni Buyens skoruðu sitt hvort markið í síðari hálfleik, en með sigrinum skaust Charlton í tíunda sæti deildarinnar.

Eiður Smári Guðjohnsen kom inná sem varamaður á 67. mínútu í 2-2 jafntefli Bolton gegn Brentford. Bolton náði í tvígang að jafna.

Bolton er í sautjánda sæti deildarinnar, en Brentford er í því sjöunda.