Þórir Hákonarson, framkvæmdarstjóri KSÍ undrast framkomu Dalvíkur/Reynis í tengslum við málefni leikmanns sem lagði pening undir gegn eigin liði.
Stefán Garðar Níelsson, formaður knattspyrnudeildar félagsins staðfesti í viðtali við Fréttablaðið að leikmaður liðsins hefði viðurkennt að hafa veðjað á úrslit eigin liðs fyrr í vetur.
„Veðmálastarfsemi og ýmislegt í kringum hana er stórt vandamál í öllum heiminum. Þetta er sífellt að færast í aukana og ég geri ráð fyrir að við þurfum að standa í svona málum eins og allir aðrir,“ sagði Þórir í samtali við Stöð 2 í kvöld.
„Það kom mér á óvart, við fengum ekki frekari aðstoð þegar við leituðum hennar á sínum tíma heldur sjáum við þetta í fjölmiðlum.“
Nánar verður fjallað um málið í Fréttablaðinu á morgun.
Undrast framkomu Dalvíkur/Reynis
Tengdar fréttir
Íslenskur leikmaður veðjaði á úrslit eigin liðs
Stefán Garðar Níelsson, formaður knattspyrnudeildar Dalvíkur/Reynis, staðfesti í samtali við Fréttablaðið í gær að leikmaður félagsins hefur viðurkennt að hafa veðjað á úrslit eigin liðs í janúar síðastliðnum.
Dalvík/Reynir neitaði beiðni KSÍ
Forráðamenn Þórs voru reiðubúnir að skrifa undir öll skjöl en Dalvík/Reynir neitaði þátttöku.
Íslensk félög vildu ekki aðstoða við rannsókn á veðmálabraski
Dalvík/Reynir og Þór á Akureyri höfnuðu beiðni KSÍ um aðstoð við rannsókn á ásökunum um veðmálabrask og hagræðingu úrslita leiks liðanna fyrr í vetur.
