United án níu lykilmanna gegn Gylfa og félögum á morgun

Louis van Gaal verður án níu lykilmanna Manchester United-liðsins þegar það tekur á móti Gylfa Þór Sigurðssyni og félögum í Swansea í upphafsleik ensku úrvalsdeildarinnar klukkan 11.45 á morgun.

Luke Shaw,Jonny Evans, Danny Welbeck, Antonio Valencia og Rafael eru allir frá í styrri tíma, en Michael Carrick verður frá næstu mánuði. Þá er RobinvanPersie ekki ekki klár í slaginn, en hann er nýlega mættur til æfinga eftir HM.

Þetta þýðir að tveir ungir varnarmenn; bakvörðurinn ReeceJames og miðvörðurinn Tyler Blackett, spilar eflaust sína fyrstu leiki í úrvalsdeildinni, en þeir voru báðir í byrjunarliðinu í síðasta æfingaleik liðsins gegn Valencia á þriðjudaginn.

„Við spiluðum með Reece James og AshleyYoung í bakvarðarstöðunum í Bandaríkjunum. Ég hef engar áhyggjur af þessu,“ sagði Van Gaal á blaðamannafundi í dag.

Enska úrvalsdeildin hefst með leik Manchester United og Swansea klukkan 11.45 laugardaginn 16. ágúst. Hann verður í beinni útsendingu á Stöð 2 Sport 2 HD, en allir leikirnir í enska verða sýndir beint. Klukkan 10.30 hefst Upphitun á laugardegi svo verða þrjár Messur í viku allt tímabilið. Fáðu þér áskrift hér.