Chelsea stöðvaði sigurgöngu Liverpool

Chelsea stöðvaði 11 leikja sigurgöngu Liverpool með 1-0 sigri á Anfield.

 

Liverpool var miklu meira með boltann, en Chelsea varðist á mörgum mönnum og Liverpool átti í vandræðum með að brjóta varnarmúr gestanna á bak aftur.

Demba Ba skoraði fyrra mark Chelsea á lokamínútu fyrri hálfleiks eftir mistök Stevens Gerrard, fyrirliða Liverpool.

Í uppbótartíma bætti Brasilíumaðurinn Willian svo við marki eftir að hann og Fernando Torres sluppu einir í gegnum fáliðaða vörn Liverpool.

Þetta var fyrsta tap Liverpool í deildinni síðan 29. desember 2013, en þá laut liðið í gras fyrir Chelsea 2-1. Liverpool er þó enn á toppi ensku úrvalsdeildarinnar með 80 stig, en Chelsea kemur næst með 78 stig. Manchester City, sem leikur gegn Crystal Palace í dag, situr í þriðja sæti með 74 stig, en á tvo leiki til góða.

Chelsea leikur seinni leik sinn gegn Atletico Madrid í undanúrslitum Meistaradeildar Evrópu á miðvikudaginn kemur, en fyrri leiknum í Madrid lauk með markalausu jafntefli.