Mourinho: Spiluðum upp á stoltið í dag

"Frammistaðan í seinni hálfleik var miklu, miklu betri," sagði Jose Mourinho þjálfari Chelsea eftir jafntefli hans manna gegn Norwich á Stamford Bridge.

"David (Luiz) gaf okkur meiri kraft sem og Eden Hazard. Við hefðum átt að vinna, en fótboltinn snýst um að skora mörk," sagði Mourinho sem setti David Luiz og Hazard inn á í hálfleik. Það dugði þó ekki til.

"Möguleikar okkar á Englandsmeistaratitlinum fuku út um gluggann fyrir nokkrum vikum. Það er skrítið að í mikilvægustu deild í heimi eigi lið enn tvo leiki til góða í síðustu viku tímabilsins. Við spiluðum upp á stoltið í dag og reyndum að gleðja stuðningsmenn okkar með sigri á heimavelli," sagði Portúgalinn að endingu.