Di Maria var áfram hjá Real út af Ronaldo

Angel di Maria hefur yfirgefið Real Madrid en það munaði litlu að hann hefði farið frá félaginu fyrir rúmu ári.

Man. Utd keypti hann á dögunum en sumarið 2013 var hann á förum. Hann hætti þó við að fara þar sem Cristiano Ronaldo bað hann um það.

"Samband okkar Ronaldo er frábært og það er út af honum sem ég spilaði með félaginu í fyrra," sagði Di Maria.

"Ég kvaddi Real á viðeigandi hátt. Ég er þakklátur Man. Utd fyrir að hafa keypt mig en finnst ekki vera nein sérstök pressa á mér þó svo ég sé dýrasti leikmaður ensku úrvalsdeildarinnar.

"Það er meira um átök í enska boltanum en meiri fótbolti á Spáni. Van Gaal hefur beðið mig um að reyna að aðlagast nýjum bolta eins fljótt og hægt er."