Vissi að Suarez færi eftir að hann beit Chiellini

Steven Gerrard, fyrirliði Liverpool, segist hafa verið viss um að Luis Suarez færi frá félaginu er hann sá leikmanninn bíta Giorgio Chiellini í leik Úrúgvæ og Ítalíu á HM.

"Ég hélt að hann myndi vera áfram hjá okkur. Ég var fullviss fyrir HM að við myndum ná öðru ári með honum," sagði Gerrard við fyrrum félaga sinn, Jamie Carragher, í viðtali á Sky Sports.

"Ég vissi að við værum á leið heim af HM er ég horfði á leikinn. Það var tvöfalt áfall að sjá bitið því ég vissi þá að við myndum missa hann. Ég vissi að hann ætti ekki afturkvæmt til félagsins og að hann myndi reyna að komast frá félaginu eftir þetta atvik."

Það reyndist vera rétt hjá honum enda greiddi Barcelona 75 milljónir punda fyrir framherjann þó svo hann sé í löngu leikbanni.