Nasri missir af næstu ellefu leikjum City

Samir Nasri, miðjumaður Manchester City, meiddist á hné í sigrinum á Newcastle í ensku úrvalsdeildinni í gær og verður frá keppni næstu átta vikurnar.

Nasri var borinn grátandi af velli eftir tæklingu frá Newcastle-leikmanninum Mapou Yanga-Mbiwa en Yanga-Mbiwa slapp með gult spjald.

Nasri missir væntanlega af ellefu leikjum Manchester City á þessum tíma þar á meðal leiki á móti Tottenham, Chelsea, Barcelona og Manchester United. Hann gæti mögulega náð seinni leiknum á móti Barcelona í 16 liða úrslitum Meistaradeildarinnar.

Samir Nasri er með 4 mörk og 4 stoðsendingar í 21 deildarleik með Manchester City á þessu tímabili en hefur aðeins komið að einu marki í síðustu átta leikjum liðsins í ensku úrvalsdeildinni.

Thank you everyone for your kind words and overwhelming support, i suppose its kind of good news that i will be out around 8 weeks

— Samir Nasri Official (@SamNasri19) January 13, 2014