Moyes grunaður um líkamsárás

David Moyes, fyrrum stjóri Man. Utd, er aftur mættur í fjölmiðla. Að þessu sinni vegna þess að hann er grunaður um líkamsárás.

Lögreglan hefur greint frá því að 51 árs gamall maður hafi ráðist á 23 ára gamlan mann á vínbar í gær. Þessi rúmlega fimmtugi maður er David Moyes samkvæmt breskum fjölmiðlum.

Rannsókn málsins er í gangi en sá sem ráðist var á þurfti ekki aðhlynningu á sjúkrahúsi.

Greint hefur verið frá málinu á öllum helstu miðlum í Englandi og þetta mál verður líkast til vinsælt næstu daga.