Fletcher snýr aftur í skoska landsliðið

Gordon Strachan, þjálfari skoska landsliðsins í fótbolta, valdi DarrenFletcher, miðjumann Manchester United, í landsliðshópinn sem mætir Póllandi í vináttuleik í Varsjá í mars.

Fletcher hefur ekki komið við sögu hjá landsliðinu síðan 2012 vegna alvarlegra veikinda sem héldu honum meira og minna frá knattspyrnu í tvö ár.

„Það var yndislegt að sjá hann spila aftur um jólin. Núna verðum við að taka þetta skrefi lengra. Ég hef séð hann spila og veit að hann er jafnákafur og alltaf. Það er frábært að geta valið hann aftur,“ segir Gordon Strachan.

PhilBardsley, leikmaður Sunderland, er einnig í hópnum en hann hefur spilað vel að undanförnu. Þá er AndrewRobertson, 19 ára gamall leikmaður Dundee, í hópnum en hann var að spila með áhugamannaliði í Skotlandi á sama tíma í fyrra.