Mourinho reiður: Það eru engar styttur í fótbolta

Eins og við mátti búast var Jose Mourinho, stjóri Chelsea, ekki í neinu hátíðarskapi eftir leikinn gegn Aston Villa. Liðið hans tapaði, tveir leikmanna hans fengu rautt og sjálfur var hann sendur upp í stúku.

"Ég veit ekki af hverju ég var sendur upp í stúku. Dómarinn neitaði að tala við mig," sagði Mourinho.

"Einn leikmanna Villa var með stæla við minn leikmann. Agbonlahor stökk upp af bekknum og inn á völlinn. Hann var með ógnandi tilburði. Þá stukku allir inn á völlinn.

"Kannski hélt herra Foy (dómarinn) að ég væri með ögrandi tilburði. Ég veit það ekki. Það eru engar styttur í fótbolta þannig að kannski hefði átt að reka alla af velli."

Portúgalinn átti mjög erfitt með að leyna vonbrigðum sínum í garð Foy dómara.

"Við erum rosalega óheppnir að fá aðra svona frammistöðu frá dómara. Þetta var ekki dómgæsla þar sem dómarinn gerir ein mistök eins og gerist. Hann var slakur allar 94 mínúturnar."