Mágur Carroll má ekki mæta á völlinn í þrjú ár

Sam Mucklow, mágur Andy Carroll, framherja West Ham, verður ekki á vellinum næstu árin til þess að horfa á Carroll spila.

Hann lenti nefnilega í miklum slagsmálum á leik Englands og Úrúgvæ á HM síðasta sumar. Þau læti enduðu með því að Mucklow sýndi takta í anda Mike Tyson og fékk sér bita af eyra annars Englendings í stúkunni.

Sá kærði Mucklow og yfirvöld í Bretlandi hafa nú meinað Mucklow að sækja knattspyrnuvelli í landinu í þrjú ár.

Hann verður því að gera sér að góðu að horfa á Carroll í sjónvarpinu næstu árin.