Ramsey frá í allt að sex vikur

Samkvæmt heimildum ESPN verður Aaron Ramsey, miðjumaður Arsenal, frá keppni í allt að sex vikur vegna meiðsla á læri.

Upphaflega var talið að Ramsey, sem fór meiddur af velli gegn Tottenham um síðustu helgi, yrði frá í 3-4 vikur, en nú er ljóst að hann verður frá í lengri tíma.

Ramsey, sem er búinn að skora tvö mörk í sex deildarleikjum á tímabilinu, hefur verið tíður gestur á sjúkralista Arsenal í gegnum tíðina, en hann missti m.a. af þremur mánuðum á síðasta tímabili vegna meiðsla.

Arsenal sækir Chelsea heim í stórleik umferðarinnar í ensku úrvalsdeildinni á sunnudaginn. Leikurinn hefst klukkan 13:05 og verður sýndur í beinni útsendingu á Stöð 2 Sport 2.