West Ham vann QPR auðveldlega

West Ham United fór létt með að leggja QPR 2-0 að velli í ensku úrvalsdeildinni í fótbolta í dag. West Ham komst snemma yfir og var QPR aldrei líklegt til afreka í leiknum.

Það var strax á fimmtu mínútu sem West Ham komst yfir með sjálfsmarki Nedum Onuoha eftir aukaspyrnu Stewart Downing.

Staðan í hálfleik var 1-0 og hafi QPR eygt einhverja von þá hvarf hún þegar Diafra Sakho bætti við marki á 59. mínútu.

West Ham lyfti sér upp í 7. sæti deildarinnar með 10 stig eftir sjö umferðir. QPR situr á botni deildarinnar með 4 stig.