Fazio genginn til liðs við Tottenham

Tottenham staðfesti rétt í þessu að félagið hefði gengið frá kaupunum á argentínska miðverðinum Federico Fazio frá Sevilla. Fazio skrifaði undir fjögurra ára samning hjá Tottenham.

Fazio sem hefur leikið með Sevilla allt frá árinu 2007 lék 148 leiki fyrir félagið og skoraði í þeim 12 mörk. Var hann hluti af liði Sevilla sem sigraði Benfica í úrslitum Evrópudeildarinnar í vor. Þá hefur hann leikið 2 landsleiki fyrir argentínska landsliðið.

Fazio eru fimmtu kaup Tottenham í sumar en félagið hefur þegar gengið frá kaupunum á enska bakverðinum Ben Davies og hollenska markmanninum MichaelVorm frá Swansea, Eric Dier frá Sporting og DeAndre Yedlin frá Seattle Sounders í MLS-deildinni.

Tottenham hefur þegar selt fyrrum fyrirliða liðsins, enska miðvörðinn Michael Dawson í sumar en talið er að félagið sé einnig tilbúið að hlusta á tilboð í hinn rúmneska Vlad Chiricheș.

SIGNED! Federico Fazio has joined us on a four-year contract from Sevilla. #WelcomeFazio pic.twitter.com/vrbR2NQQqy

— Tottenham Hotspur (@SpursOfficial) August 27, 2014