Wenger: Eins og staðan er kaupi ég engan

Arsene Wenger, knattspyrnustjóri Arsenal, segist ekki viss um að hann ætli að kaupa nýjan framherja þrátt fyrir meiðsli Frakkann OliversGirouds.

Giroud meiddist á ökkla í jafnteflinu gegn Everton um síðustu helgi þar sem hann skoraði jöfnunarmarkið á 90. mínútu, en hann verður frá keppni út árið.

Wenger hefur því úr færi leikmönnum að velja í sóknarleiknum, en liðið komst í riðlakeppni Meistaradeildarinnar 17. árið í röð í gærkvöldi og berst því í öllum keppnum eins og undanfarin ár.

„Þið spyrjið mig strax hvernig ég ætla að kaupa. Ég skal svara því. Á þessari stundu ætla ég ekki að kaupa neinn leikmann,“ sagði Wenger eftir sigurinn á Besiktas í gærkvöldi.

„Ef maður vill gera alla ánægða kaupir maður fullt af leikmönnum, en það sem skiptir máli er frammistaðan á fótboltavellinum.“

„Sjáið bara leikmennina sem við vorum með á bekknum og þá sem eru meiddir. Við eigum leikmenn. Það er ekki hægt að kaupa nýjan mann í hvert skipti sem einhver meiðist.“

„Við erum opnir fyrir því að styrkja okkur, en bara ef við finnum mann sem styrkir hópinn. En að kaupa til að kaupa er ekki eitthvað sem ég sé tilganginn með,“ sagði Arsene Wenger.