Enski boltinn

WBA fær tvo varnarmenn

Ingvi Þór Sæmundsson skrifar
Jason Davidson reynir að stöðva Arjen Robben í leik Ástralíu og Hollands á HM.
Jason Davidson reynir að stöðva Arjen Robben í leik Ástralíu og Hollands á HM. Vísir/Getty
West Bromwich Albion gekk í gær frá kaupunum á tveimur varnarmönnum; Ástralanum Jason Davidson og Cristian Gamboa frá Kosta Ríku.

Davidson kemur frá hollenska liðinu Heracles Almelo þar sem hann hefur leikið undanfarin tvö ár.

Hann gerði tveggja ára samning við WBA, en honum er ætlað að berjast við Sebastien Pocognoli um stöðu vinstri bakvarðar hjá liðinu.

Davidson lék alla þrjá leiki Ástralíu á HM í Brasilíu.

Gamboa kemur frá Rosenborg í Noregi, þar sem hann lék á síðustu leiktíð. Hann gerði þriggja ára samning við WBA.

Gamboa, sem leikur oftast sem hægri bakvörður, lék alla fimm leiki spútnikliðs Kosta Ríku á HM í sumar.

Enski boltinn

Tengdar fréttir

Lescott til West Brom

Joleon Lescott hefur gengið frá samningi við West Brom en hann kemur til liðsins frá Manchester City.

West Brom búið að ráða þjálfara

Skotinn Alan Irvine verður næsti þjálfari enska úrvalsdeildarliðsins West Brom, en þetta var tilkynnt á heimasíðu félagsins í dag. Hann tekur við starfinu af Spánverjanum Pepe Mel.

Mest lesið


Fleiri fréttir

Sjá meira


×

Mest lesið