Markalausi framherjinn til Saint-Étienne

Saint-Étienne hefur fengið framherjann Ricky van Wolfswinkel á láni frá Norwich City. Lánssamningurinn gildir út tímabilið.

Van Wolfwinkel var keyptur til Norwich frá Sporting Lissabon á 8,5 milljónir punda, sem er hæsta fjárhæð sem enska liðið hefur greitt fyrir leikmann.

Hollendingurinn náði sér hins vegar aldrei á strik í gula og græna búningnum. Hann skoraði í sínum fyrsta deildarleik, gegn Everton, en síðan ekki söguna meir.

Norwich féll úr ensku úrvalsdeildinni á síðustu leiktíð eftir að hafa lent í 18. sæti með aðeins 33 stig.

Saint-Étienne hafnaði í 4. sæti frönsku úrvalsdeildarinnar á síðasta tímabili.