Jóhann Berg og Kári í eldlínunni

Jóhann Berg Guðmundsson og Kári Árnason voru í eldlínunni í ensku Championship-deildinni í dag. Jóhann Berg var að leika sinn fyrsta alvöru leik fyrir Charlton.

Jóhann Berg og félagar í Charlton mættu Brentford, en Igor Vetokele kom Charlton yfir. Tommy Smith jafnaði metin fyrir Brentford fimm mínútum fyrir leikslok. Jóhann Berg fór útaf í uppbótartíma.

Kári Árnason lék allan leikinn fyrir nýliða Rotherham United sem tapaði naumlega fyrir Derby County á útivelli. Jeff Hendrick skoraði sigurmarkið átta mínútum fyrir leikslok.

Öll úrslit dagins má sjá hér að neðan, en nú klukkan 16:15 hefst leikur Ipswich Town og Fulham. Leikurinn er í beinni á Stöð 2 Sport 2 og lýsir Guðjón Guðmundsson, Gaupi, leiknum.

Úrslit dagsins:

Brentford 1-1 Charlton Athletic

Brighton & Hove Albion 0-1 Sheffield Wednesday

Derby County 1-0 Rotherham United

Huddersfield 0-4 AFC Bournemouth

Middlesbrough 2-0 Birmingham

Millwall 2-0 Leeds United

Nottingham Forest 2-0 Blackpool

Watford 3-0 Bolton Wanderers

Wigan 2-2 Reading