Schneiderlin óánægður með forráðamenn Southampton

Morgan Schneiderlin er gríðarlega ósáttur eftir að félagslið hans, Southampton gaf út tilkynningu að félagið myndi ekki selja hann þrátt fyrir áhuga frá Tottenham. Schneiderlin lýsti yfir óánægju sinni á Twitter-síðu sinni í dag.

Schneiderlin sem er franskur landsliðsmaður hefur leikið með Southampton undanfarin fimm ár eftir að hafa gengið til liðs við Dýrlingana aðeins 19 ára gamall árið 2008 þegar liðið var í ensku 1. deildinni.

Áhugi annarra liða á Schneiderlin hefur aukist undanfarin ár og hefur fyrrum knattspyrnustjóri Southampton, Maurico Pochettino, mikinn áhuga á að fá Schneiderlin til liðs við Tottenham.

6 years of an amazing journey #saintsfc DESTROYED in 1 hour !!!

— Morgan Schneiderlin (@SchneiderlinMo4) July 29, 2014