Lallana á leið í læknisskoðun hjá Liverpool

Adam Lallana er á leiðinni í læknisskoðun hjá Liverpool í dag og er gert ráð fyrir að hann skrifi undir hjá félaginu eftir helgi. Talið er að Liverpool greiði Southampton 25 milljónir punda fyrir þjónustu hans.

Lallana sem er 26 árs miðjumaður kom upp úr unglingastarfi Southampton og hefur leikið með liðinu allt frá árinu 2006. Hefur hann tekið þátt í ótrúlegum uppgangi hjá félaginu undanfarin ár en félagið hefur leikið undanfarin tvö ár í ensku úrvalsdeildinni eftir að hafa verið í ensku 1. deildinni fyrir nokkrum árum.

Liverpool tekur þátt í Meistaradeildinni á næsta tímabili og er talið að Brendan Rodgers, knattspyrnustjóri Liverpool, ætli að auka breiddina og gæðin í leikmannahópnum. Hann hefur verið á eftir Lallana allt frá lok tímabilsins og lítur allt út fyrir að hann sé loksins að fá sinn mann.

Lallana verða önnur kaup Liverpool frá Southampton en Rickie Lambert gekk til liðs við Liverpool fyrr í sumar.