Sunderland á eftir Williams

Sunderland lagði fram tilboð í Ashley Williams, leikmann Swansea, í gærkvöldi samkvæmt fréttastofu Sky. Williams sem er fyrirliði liðsins á aðeins eitt ár eftir af samningi sínum hjá Swansea.

Williams er 30 ára miðvörður gekk til liðs við Swansea á lánssamningi árið 2007 og hefur átt stóran þátt í ótrúlegu gengi Swansea undanfarin ár. Swansea hóf samningaviðræður við Williams í vikunni en önnur félög bíða spennt á hliðarlínunni.

Síðasta sumar var Williams ítrekað orðaður við Arsenal og Liverpool en þetta árið er það QPR og Sunderland sem nefnd eru til sögunnar. Talið er að Sunderland hafi gert tilboð í gærkvöldi í varnarmanninn en Gary Monk, knattspyrnustjóri Swansea vonast til þess að Williams leiki áfram með Swansea.

„Við höfum verið í viðræðum við umboðsmann Ashley og við viljum finna lausn til þess að hann verði áfram hjá Swansea. Það sem hann vill er það sem klúbburinn vill og vonandi getum við komist að sameiginlegri lausn,“ sagði Monk.