Sidwell til Stoke

Steve Sidwell er genginn í raðir enska úrvalsdeildarliðsins Stoke City. Hann gerði tveggja ára samning við Stoke, en hann kemur á frjálsri sölu frá Fulham sem féll niður um deild í vor.

Sidwell, sem er 32 ára, lék alla 38 leikina með Fulham á síðasta tímabili og skoraði sjö mörk.

Sidwell, sem er alinn upp hjá Arsenal, hefur einnig leikið með Reading, Chelsea og Aston Villa í ensku úrvalsdeildinni.

Stoke City endaði í 9. sæti ensku úrvalsdeildarinnar á tímabilinu sem leið.