Tom Ince gæti fetað í fótspor föður síns

Enski unglingalandsliðsmaðurinn Tom Ince er á leið til Mílanó en flest bendir til þess að hann spili í ítalska boltanum næsta vetur.

Samningur hans við Blackpool er útrunninn og vill fjöldi liða semja við hann. Þar á meðal ítalska liðið Inter.

Franska liðið Monaco og portúgalska félagið Benfica hafa einnig sýnt honum áhuga.

Faðir Tom, Paul Ince, þekkir vel til hjá Inter eftir að hafa leikið þar í tvö ár á sínum tíma.

"Ég er mjög opinn fyrir því að spila erlendis. Það gæti verið mjög spennandi," sagði Ince en hann mun ræða við forráðamenn Inter í dag.