Systurnar leiddust í heiminn

Bandarísku tvíburasysturnar Jillian og Jenna Thistlewaite leiddust í heiminn. Þær héldu í höndina á hvor annarri þegar læknarnir lyftu þeim upp svo foreldrar þeirra gætu séð þær. Systurnar fæddust á föstudaginn síðasta. BBC segir frá.

„Þær voru þegar bestu vinkonur,“ sagði móðir þeirra, Sarah Thistlewaite. Þær voru í sama líknarbelg á meðgöngunni en slíkt gerist í einni af hverjum tíu þúsund tvíburameðgöngum.

Systurnar litlu þurftu að vera í hitakassa fyrstu dagana en eru komnar úr honum núna. Móðir þeirra fékk þær í fangið á mæðradaginn og sagði hún það hafa verið bestu mæðradagsgjöf sem hægt væri að fá.

„Ég trúi því varla að þær hafi leiðst, það er magnað,“ sagði hún.