Barton segir Rooney ekki í heimsklassa

Joey Barton segir að Wayne Rooney sé besti leikmaður Englands í dag en getur ekki talist vera í heimsklassa.

Þetta sagði hann í viðtali við BBC í dag og skýrir mál sitt með því að fullyrða að Rooney skorti rétt hugarfar.

„Rooney er mögulega í heimsklassa en hugarfar hans er algjörlega andstætt því sem Cristiano Ronaldo er með,“ sagði Rooney.

„Af hverju vann Ronaldo gullboltann en ekki Rooney? Leikmenn sem hafa unnið með þeim báðum segja að vinnusemi og dugnaður Ronaldo hafi skilað honum á þennan stall.“

„Svo veltir maður því fyrir sér hvort að Rooney geti mögulega orðið besti leikmaður heims þegar myndir birtast af honum reykjandi sígarettur. Bilið verður alltaf stærra og stærra.“

Barton hélt svo áfram á Twitter-síðu sinni og sagði að Rooney hafi í raun ekkert bætt sig hjá Manchester United.

„Hann er ekki betri í dag en þegar hann kom fyrst fram í sviðsljósið hjá Everton. Þá hætti hann að þróast sem leikmaður,“ skrifaði Barton.

Rooney is our best player at the moment. Put in context for me, by my definition of 'World Class', he isn't. I'm sorry thats my belief.

— Joseph Barton (@Joey7Barton) April 3, 2014

Now shall I tell you what World Class is for me. Ronaldo and Messi. Iniesta and Suarez. WC is a term thrown about far too often.

— Joseph Barton (@Joey7Barton) April 3, 2014

I would have to argue that he has not been better since he broke on the scene at Everton. For me thats when he stopped developing or just..

— Joseph Barton (@Joey7Barton) April 3, 2014