Fellaini: Moyes þarf að fá tíma

Marouane Fellaini, miðjumaður Manchester United, vill endurgjalda DavidMoyes, knattspyrnustjóra félagsins, traustið sem hann hefur sýnt. Hann segir að Skotinn muni verða farsæll á Old Trafford.

Fellaini var keyptur til Englandsmeistaranna á lokadegi félagaskipta en hefur átt erfitt uppdráttar á sinni fyrstu leiktíð, rétt eins og Moyes.

Belginn segir það hefði orðið erfitt fyrir hvaða mann sem er að taka við af Sir Alex Ferguson en hann vonast til að stuðningsmennirnir standi þétt við bakið á Moyes.

„Það sem gerir United frábrugðið öðrum félögum er hvernig það stendur við bakið á knattspyrnustjórunum sínum. Þið sjáið bara feril Sir Alex Fergusons sem var hérna í 26 ár,“ segir Fellaini.

„Það verður að gera David Moyes tíma líka. Hann er sterkur karakter og mun þola pressuna. Gefið honum tíma og hann verður góður fyrir Manchester United.“

„Man. Utd var með sama stjórann í 26 ár. Það er erfitt að koma inn eftir það. Stuðningsmennirnir og allir aðrir verða gefa Moyes tíma,“ segir Marouane Fellaini.