Enski boltinn

West Ham fyrir áfrýjunardómstól

Eiríkur Stefán Ásgeirsson skrifar
Carroll gengur af velli eftir að hafa fengið rautt í leiknum gegn Swansea um helgina.
Carroll gengur af velli eftir að hafa fengið rautt í leiknum gegn Swansea um helgina. Vísir/Getty
West Ham hefur ekki gefist upp í baráttunni við þriggja leikja bannið sem Andy Carroll, leikmaður liðsins, fékk á dögunum.

Carooll fékk bannið vegna brottvísunar hans í leik liðsins gegn Swansea um síðustu helgi. West Ham áfrýjaði rauða spjaldinu en enska knattspyrnusambandið vísaði henni frá og dæmdi Carroll í þriggja leikja bann.

West Ham lét þó ekki staðar numið og fór með málið fyrir áfrýjunardómstól enska knattspyrnusambandsins. Málið verður tekið fyrir í dag.

„Við fórum áfram með þetta mál á þeim forsendum að um augljós mistök hefði verið að ræða. Ég er algjörlega sannfærður um að svo hafi verið af hálfu dómarans,“ sagði Sam Allardyce, stjóri West Ham.

„Ég vona að almenn skynsemi hafi betur. Ef það verður ákvörðun tekin í dag vonast ég eftir jákvæðri niðurstöðu.“

Enski boltinn

Tengdar fréttir

Rauða spjaldið stendur hjá Carroll

Andy Carroll, leikmaður West Ham, þarf að taka út þriggja leikja bann fyrir rauða spjaldið sem hann fékk í 2-0 sigri liðsins á Swansea um helgina.

Brottvísun Carroll mótmælt

West Ham hefur látið enska knattspyrnusambandið vita að félagið hafi í hyggju að áfrýja rauða spjaldinu sem Andy Carroll fékk í leik liðsins gegn Swansea um helgina.

Nolan með bæði mörkin í sigri West Ham

Kevin Nolan, fyrirliði West Ham, skoraði bæði mörk síns liðs þegar liðið vann 2-0 heimasigur á Swansea City í ensku úrvalsdeildinni í dag.

Mest lesið


Fleiri fréttir

Sjá meira


×

Mest lesið