Enski boltinn

Redknapp horfði á Kolbein spila í bikarnum

Eiríkur Stefán Ásgeirsson skrifar
Harry Redknapp, stjóri QPR.
Harry Redknapp, stjóri QPR. Vísir/Getty
Hollenskir fjölmiðlar greina frá því að Harry Redknapp, stjóri enska B-deildarliðsins QPR, hafi verið á Amsterdam Arena í gær til að fylgjast með Kolbeini Sigþórssyni spila.

Kolbeinn kom inn á sem varamaður þegar að Ajax vann 3-1 sigur á Feyenoord í hollensku bikarkeppninni í gær.

Andri Sigþórsson, bróðir Kolbeins, staðfesti þó við fjölmiðla Hollandi að Kolbeinn væri ekki á leið frá Ajax að svo stöddu.

„Kolbeinn fer ekki frá Ajax til liðs sem ekki spilar í efstu deild. Hann er einbeittur að því að standa sig vel hjá Ajax og skora mörg mörk fyrir félagið. Ég get við símtölum frá hverjum sem er en Kolbeinn verður áfram hjá Ajax.“

Kolbeinn kom til Ajax frá AZ árið 2011 en hefur misst af nokkrum leikjum á tímabilinu vegna meiðsla. Hann hefur skorað 24 mörk í 57 leikjum með liðinu.

Enski boltinn Fótbolti

Tengdar fréttir

Kolbeinn og Victor í undanúrslit í bikarnum

Kolbeinn Sigþórsson kom inn á sem varamaður hjá Ajax sem vann 3-1 sigur á Feyenoord í átta liða úrslitum hollenska bikarsins í knattspyrnu í kvöld.

De Boer: Kolbeinn getur betur

Frank De Boer, þjálfari hollenska liðsins Ajax, er ekki ánægður með það sem Kolbeinn Sigþórsson hefur sýnt á leiktíðinni til þessa.

Kolbeinn: Ekki gleyma því að ég hef alltaf skorað mörk

Kolbeinn Sigþórsson, framherji Ajax og íslenska landsliðsins í fótbolta, var spurður út í ummæli þjálfarans Frank de Boer í vikunni en De Boer gagnrýndi þá opinberlega Kolbein og aðra framherja hollenska liðsins.

Mest lesið


Fleiri fréttir

Sjá meira


×

Mest lesið