Hazard og Costa afgreiddu Arsenal

Chelsea náði fimm stiga forystu á toppi ensku úrvalsdeildarinnar í fótbolta með 2-0 sigri á Arsenal í hörkuleik.

Eden Hazard kom Chelsea yfir úr vítaspyrnu á 27. mínútu leiksins sem hann fiskaði sjálfur.

Staðan í hálfleik var 1-0 en svo tóku fastir liðir eins og venjulega við hjá Chelsea þegar Diego Costa skoraði eftir sendingu frá Cesc Fabregas á 78. mínútu.

Verðskuldaður sigur hjá Chelsea sem var sterkari aðilinn í leiknum en liðið missti þó Thibaut Courtois markvörð sinn útaf meiddan þegar blæddi úr eyra hans eftir samstuð við Alexis Sanchez en það vafðist þó ekki fyrir Petr Cech að halda marki Chelsea hreinu.

Chelsea er með 19 stig á toppi deildarinnar. Arsenal er í 7. sæti með 10 stig.

Eden Hazard 1-0: Wenger og Mourinho takast á: Costa 2-0: