Allt er fertugum fært

Þrátt fyrir að vera nýorðnn 43 ára skrifaði Brad Friedel undir nýjan samning hjá Tottenham Hotspur í gær. Samningurinn er aðeins til eins árs.

Friedel sem spilaði aðeins einn leik í ensku úrvalsdeildinni á síðasta tímabili gegn Newcastle í október verður 44 ára þegar nýji samningurinn rennur út. Friedel lék alls níu leiki í öllum keppnum, þar af sex í Evrópudeildinni.

Samningurinn kemur eflaust mörgum á óvart en hann inniheldur einnig að Friedel verður sendiherra félagsins í Norður-Ameríku. Mun Friedel sinna samstarfi við stuðningsmannaklúbba Spurs í Bandaríkjunum.