Hazard í viðræðum um nýjan samning

Belgíski knattspyrnumaðurinn Eden Hazard gerði lítið úr sögusögnum að hann væri á förum frá Chelsea. Hazard lofaði því að hann yrði áfram hjá Chelsea en hann er í viðræðum við klúbbinn um nýjan samning.

Laurent Blanc, knattspyrnustjóri PSG, hefur ekki farið leynt með aðdáun sína á Hazard en Hazard hóf feril sinn í Frakklandi með Lille.

„Ég verð áfram hjá Chelsea, það eru engar líkur á öðru. Ég er samningsbundinn félaginu og er ánægður í herbúðum Chelsea. Viðræður að framlengja samningnum eru á byrjunarstigi en viðræðurnar sína að klúbburinn hefur trú á mér,“ sagði Hazard í samtali við Sportsmail.