Fabio og Jones til Cardiff

Ole Gunnar Solskjær, stjóri Cardiff, staðfesti á blaðamannafundi í dag að tveir nýjir leikmenn væru á leið til félagsins.

Bakvörðurinn Fabio kemur frá Manchester United og Kenwyne Jones, sóknarmaður hjá Stoke, kemur í skiptum fyrir Peter Odemwingie.

„Þeir munu báðir æfa í dag. Ég hitti þá rétt áðan og þetta er nánast klappað og klárt,“ sagði Solskjær við fjölmiðla í dag.

Áður hafði Solskjær fengið þrjá Norðmenn til félagsins - þá Mats Møller Dæhli, Magnus Wolff Eikrem og Jo Inge Berget.

Það er svo líklegt að Wilfried Zaha, sóknarmaður Manchester United, verði lánaður til Cardiff út leiktíðina. „Við erum vongóðir um að geta gengið frá því á næsta sólarhring eða svo.“